As xornadas terán lugar en Valsaín, no Centro Nacional de Educación Ambiental, CENEAM os días 24, 25 e 26 de marzo. Neste xa cuarto encontro de Hogares verdes xuntaremonos todas as entidades e persoas que en diferentes territorios do Estado estamos a desenvolver o programa Hogares verdes. Somos xa máis de quince os que traballamos polo uso eficiente dos recursos naturais e pola acción reflexiva ante algún dos retos da sociedade actual; o cambio climático, os residuos ou o consumismo.

22 de marzo de 2010. A Xunta persiste nos erros e infla de novo a burbulla inmobiliaria a base de chan rústico, máis desprotección e discrecionalidade. O texto incrementa as oportunidades para a especulación, desta volta nos núcleos rurais e o chan rústico, dá maior cobertura ás ilegalidades urbanísticas, bendicindo escandalosas aberracións como as urbanizacións de Barreiros, reduce ao mínimo o control autonómico, delegando nos concellos, asalta os montes en man común e convirte a Rede Natura en chan barato ao servizo dos intereses privados. Con esta modificación, a Xunta repite os erros que nos levaron á actual crise e prepara un dos maiores atentados á integridade ambiental e territorial dos últimos decenios.

Lugo, a 22 de marzo de 2010. O radón é un gas radioactivo de orixe natural que emana do uranio presente nas rochas graníticas e que segundo a OMS, é responsábel de entre o 3% e o 14% das mortes por cancro de pulmón. É por isto, polo que se quer dispor dun mapa de radón cunha medida cada 10x10 km que complete o mapa xa existente e que cubre fundamentalmente as zonas xeográficas cun alto nível de radiación. O estudo permitirá detectar cais son as zonas de alto risco de gas radón en Galiza, xa que somos unha das áreas do Estado máis afectadas por estas radiacións. ADEGA reclama á Xunta que se teña en conta o RADÓN nas Normas de Habitabilidade, tal como como acontecía nas derrogadas Normas do Hábitat precedentes. Preme para máis información e participar na campaña.

Do 12 ao 25 de marzo na sala Caixanova (Praza do Príncipe s/n) do Barco de Valdeorras. Logo do seu paso por numerosas vilas e cidades galegas, este venres 12 chega ao Barco a exposición que ADEGA, ERVA e a AAAGP (Asociación de Amizade das Artes Galego Portuguesa) adican ao lobo. Pretende ser un alegato a prol da conservación do lobo e os seus hábitats e reúne a obra pictórica, literaria e audiovisual de máis de 60 artistas da plástica, a escrita e fotografía de Galiza e Portugal, solidarios/as coa defensa do lobo e o seu hábitat. Ficha técnica EXPOLOBO (65 KB)

Este 5 de marzo tivo lugar en Rivas-Vaciamadrid a asemblea da Red de Entidades Locales por el Compostaje Doméstico y Comunitario , COMPOSTA EN RED. Trátase dunha coordenadora de entidades locais de todo o estado que desenvolven experiencias de compostaxe doméstica e comunitaria. Xurde para dar pulo e fomentar a compostaxe doméstica e comunitaria, dado o seu importante papel na redución dos residuos orgánicos. Nos últimos anos proliferaron numerosas experiencias locais que están a contribuir á redución en orixe dos residuos orgánicos e xerar un compost de calidade que a cidadanía aproveita directamente.

infraestruturas hidráulicas máis agresivas (index.php?option=com_content&task=view&id=1280&Itemid=2) nos ríos do noso país, en cumprimento da Directiva Marco da Auga e da Lei de Defensa dos Ríos Galegos (index.php?option=com_content&task=view&id=207&Itemid=2), esquecida nun caixón dende 2006. Casos como o encoro do Umia (index.php?option=com_content&task=view&id=1096&Itemid=2) en Caldas ou o da Capela no Eume (index.php?option=com_content&task=view&id=1019&Itemid=2), alén da trama das minicentrais investigada pola Fiscalía, son perfectos exemplos da prepotencia e corrupción xerada arredor destas infraestruturas.

Compostela, 16 de marzo de 2010. Nos arredores da fatoría de aluminio ALCOA-INESPAL de San Cibrao (Lugo) rexístrase unha alta contaminación por fluoruros, segundo reflicten as análises realizadas a iniciativa dos veciños e as investigacións da edafóloga da USC Esperanza Álvarez Rodríguez. Aínda que pareza incríbel, as estacións de control da contaminación da Xunta de Galiza nos arredores da fatoría, e que deberían garantir o cumprimento dos parámetros ambientais e de saúde por parte da empresa, están abandonadas. É a propia ALCOA a que fai as medicións e informa sobre a contaminación que produce! Trátase doutro caso de contaminación ambiental por parte dunha grande empresa que deixa aos veciños inermes pola escandalosa deixación de funcións e inoperancia, cando non complicidade das administracións públicas. Baixa o Dossier FLUOROSE (2.83 MB)

Con este novo roteiro de ADEGA-Lugo (index.php?option=com_content&task=view&id=1435&Itemid=2) percorreremos outra etapa do CAMIÑO PRIMITIVO que, aínda que marca o inicio da cultura xacobea universal e transcorre por lugares de grande interese histórico e ambiental, é obxecto de importantes alteracións humanas que merecen ser coñecidas e denunciadas. O roteiro ten un percorrido de 12 km e unha dificultade media-baixa. Animádevos a paticipar!

Piñeiral de Cabanas (index.php?option=com_content&task=view&id=1519&Itemid=2). Porén, e aínda que a todos/as gostarianos contribuir plantando unha árbore, moitas veces non podemos por cuestión de tempo ou de espazo. Por iso, dende ADEGA propoñémosche 10 ideas para poñeres en prática e que redundan en beneficios para os bosques sen ter que sair ao monte a plantar un carballo ou un castiñero (que tamén).

Este luns 22 de marzo celébrase o Día Mundial da Auga (http://www.unwater.org/worldwaterday/flashindex.html). Este ano o lema é AUGA LIMPA PARA UN MUNDO SAUDÁBEL , en referenza á calidade dos recursos hídricos e a súa relación co benestar da poboación e os ecosistemas. Neste senso, en Galiza temos un grave déficit en canto ás medidas de prevención e tratamento da contaminación das augas. Moitas cidades, vilas e industrias verten aos ríos augas con escasa ou nula depuración, e o número de cursos fluviais contaminados aumenta cada ano (ver o Informe RÍOS GALEGOS 2009 (5.46 MB).

Roteirríos é un programa de itinerarios organizado polo Proxecto Ríos (http://www.proxectorios.org/) que pretende unir ríos e persoas, achegando os cursos fluviais á cidadanía nun ambiente lúdico, así como dar a coñecer o seu patrimonio natural, cultural e social. A temática escollida para os itineraios neste ano son os ríos de montaña. O noso país acolle unha extensa rede fluvial de ríos e regatos de montaña moi ben conservados e cun alto valor ecolóxico. Dende o Proxecto Ríos, queremos achegarnos a este singular patrimonio para divulgalo e poñelo en valor como unha peza fundamental para a conservación dos nosos ríos. Nesta edición realizaranse dous roteiros de fin de semana, visitando no mes de marzo o Macizo Central ourensán e en setembro Trevinca.

A asociación aposta por levar o gas natural a través de canalizacións, solución máis segura e respectuosa co ambiente.

Após a aprobación do Proxecto de Lei de Economía Sustentable para o seu envío ás Cortes, Ecoloxistas en...

De seguir así, de aquí a pouco cando vaiamos á verdulería pediremos patacas de BASF ou millo de Monsanto, ou o que é peor, será a única opción. Como ben informa a campaña, a maior parte das investigacións...

O último Sábado de mes, na Praza da Verdura de Pontevedra, Verdegaia e Amarante organizamos Mercado de Troco. O...

Alfredo I. Diéguez-. Permitídeme que volva insistir na cuestión do dereito das familias a decidir a lingua na que se impartan as diferentes materias de ensino en Galicia, pero a euforia manifestada polos que defenderon esa proposta da...

A campaña Quen debe a Quen? (http://www.quiendebeaquien.org/spip.php?page=sommaire) advirte que a reforma do FAD que quer o Goberno español abocará aos países do Sul a unha nova crise de débeda externa.

A campaña Quen debe a Quen? (http://www.quiendebeaquien.org/spip.php?page=sommaire) advirte que a reforma do FAD que quer o Goberno español abocará...

Polo seu interese traducimos unha nova aparecida onte no xornal británico The Guardian: Energy minister will hold summit to calm rising fears over peak oil

Lord Hunt convoca os empresarios do Reino Unido para debater sobre a resposta gobernamental a calquera descenso brusco na produción mundial de petróleo.

O ministro de enerxía, Lord Hunt, vai reunirse cos empresarios mañá [por hoxe, día 22] en Londres nun intento de acougar os crecentes temores acerca das consecuencias que podería ter un corte súpeto do subministro de petróleo.

Nunha viraxe política significativa, o goberno aceptou abordar un maior traballo sobre o asunto de se o Reino Unido necesita tomar medidas para evitar o trastorno masivo que podería traer unha chegada rápida ao “peak oil”, o punto que marca o comezo do descenso terminal na produción mundial de petróleo.

Jeremy Leggett, o director executivo da empresa de enerxías renovables Solar Century, figura sobranceira do Grupo de traballo da industria británica sobre o peak oil e a seguridade enerxética, afirmou que o encontro, que terá lugar no Instituto da Enerxía, amosaba un novo e benvido sentido da urxencia.

“O goberno pasou de compartir a postura de BP – ‘quedan 40 anos de subministro, os mecanismos de prezos funcionan, non hai por que preocuparse’- a dicir ¡Contra!’”, dixo. “BP e outros están dicíndonos iso, pero moitos de vós, Virgin, Scottish and Southern, e outros estádesnos dicindo algo totalmente distinto. Non sabemos a quen crer. Fagamos unha avaliación axeitado do risco coa industria”, engadiu.

Ao encontro espérase a asistencia de executivos das empresas membros do Grupo de Traballo, incluíndo Virgin, Arap, Stagecoach, Scottish and Southern Energy, e Solar Century así como outros empresarios.

A decisión de manter estas conversas veu despois de que o Grupo de Traballo da industria británica sobre o peak oil e a seguridade enerxética publicara o pasado mes un informe provocador, The Oil Crunch: a Wake-up Call for the UK Economy (A Crise do Petróleo: unha chamada de alarma para a Economía do R.U.), no que advertían dos perigos dun falso sentimento de seguridade.

Sir Richard Branson, fundador do Grupo Virgin, cuxas empresas de ferrocarril, aéreas e de viaxes son moi sensibles aos prezos da enerxía, advertiu de que a crisis que ven podería deixar pequena a crise do crédito. “Nos vindeiros cinco anos imos ver outra crise: a crise do petróleo. Desta volta, temos a ocasión de prepararnos. O reto é empregarmos ben ese tempo”, asegurou.

O goberno tiña minimizado previamente os riscos do Teito do petróleo despois de que un informe de Wicks no verán pasado descartara de feito a idea de que a demanda mundial puidese de contado sobrepasar a oferta.

Unha voceira do Departamento de Enerxía e Mudanza Climática confirmou a pasada noite que Hunt e un grupo de persoas alleas ao goberno pero relacionadas coa política enerxética ían manter conversas privadas e a porta pechada no Instituto da Enerxía. Pero a voceira minimizou a importancia da reunión, dicindo que o goberno sempre tomou os temas de subministro seriamente e que se reúne con diferentes membros da industria de maneira regular. “Facemos isto todo o tempo; é un encontro normal”, insistiu, engadindo que non había ningunha mudanza prevista na política do ministerio.

O tema do peak oil [Teito do petróleo] saltou o pasado novembro cando confidentes procedentes da Axencia Internacional da Enerxía explicaron que o problema tiña sido agachado deliberadamente durante un longo periodo. BP e outras empresas petroleiras insisten en que hai pouco perigo de que o mundo quede sen petróleo porque áreas novas como Brasil, e máis recentemente Uganda, están sempre abertas a ser desenvoltas. O director executivo de BP, Tony Hayward, cre que a demanda caerá a medida que suban os prezos, evitando calquera grave trastorno a causa do Teito do petróleo.

Pero a demanda disparada en China, India e Oriente Medio fixo subir o prezo do cru a máis de 80 dólares/barril e os prezos da gasolina no Reino Unido están preto de niveis record.

Amrita Sen, un analista petroleiro de Barclays Capital, cre que o prezo do cru podería pasar de contado os 100$ este ano e chegar a preto de 140$ para o 2015. Francisco Blanch, do Bank of America Merrill Lynch, especula con que podería chegar a 150$ en catro anos.

Leggett advirte de que todos estes escenarios poderían ser demasiado optimistas. El está convencido de que o Reino Unido debe prepararse tan axiña como sexa posible para unha siutación na que o petróleo sexa tan caro que existan graves atrancos para o comercio internacional e que a mundialización colapse.

O peak oil ou Teito do petróleo soía ser preocupación dunha pequena minoría, pero xa se creou un grupo parlamentar [no Reino Unido] para seguir o asunto e cada vez máis empresarios comezan a se preocupar por el.

Ian Marchant, director executivo de Scottish and Southern Energy, é un dos que cre que a demanda mundial de petróleo está a piques de sobrepasar a capacidade de producilo. No lanzamento do informe acerca do Oil Crunch, dixo: “Occidente leva malgastado moitísimo petróleo e o prezo vai subir: temos que para isto xa e comezar a usar o petróleo como un recurso escaso.”

No Núcleo Comarcal de Verdegaia Pontevedra, proseguimos co Plan de Roteiros Mensual 2010 desexando manter a alta participación das actividades...