E aínda por riba está no paro por culpa dun ERE.

Leo en La Voz de Galicia que este dinosaurio que vedes na fotografía é un caso da a Axencia de Protección da Legalidade Urbanística da Xunta de Galicia.

Polo visto “invade un espazo público sen licenza municipal na rúa Carregal” de Nigrán. O concello tivo que intevir ante “os informes dos servizos técnicos de inspección de Urbanismo que certificaron que a curiosa escultura que se fixo popular no barrio carece da correspondente licenza municipal”.

E que pasa con todas esas vivendas para as que se deron permisos de construción e que están en situación de ilegalidade? Alguén lles abre un expediente aos técnicos ou aos membros do Concello? Alguén en Nigrán se preocupou pola destrución do litoral? Nada, a cousa é ir contra o bicho este.

Esta foi a ocorrencia duns mozos de Narón-Ferrol durante o pasado entroido. O seu disfrace foi do máis orixinal, aínda que a máis dun lle debeu dar un susto

A Xunta de Galicia celebrou o Día da Muller Traballadora dun xeito pouco serio e mesmo “frívolo”, en opinión dos grupos da oposición, PSdG e BNG.

Para conmemorar esta data, o conselleiro de Economía, Javier Guerra, disfrazouse de muller da limpeza cuns globos inchables mentres que a conselleira de Traballo, Beatriz Mato, o fixo de home de negocios. Ahí queda a imaxe que publica o diario El País.

Os sistemas de traducción automática pasaron factura ao conselleiro de Cultura, Roberto Varela. Na súa intervención na pasada feira Fitur chamou “Desván de los Monjes” a Sobrado dos Monxes, como pode comprobarse nun vídeo publicado polo diario O Xornal.

As probas están ahí, polo que as escusas de Varela recentemente non teñen xa lugar: “Hai que ser estúpido para crer que eu vou dicir ‘Desván de los Monjes’”. Velaquí tedes a proba do delito, no minuto 1.07:

Hoxe quería poñervos aquí este gran documento gráfico sacado por Xosé Castro. A fotografía segundo comenta Xosé, está sacada preto de Beade e nela pode verse esta vivenda que o autor resume como “formas curvas, granito e unhas ménsulas con formas animais e incluso un Xesucristo”. Na fotografía ampliada poden verse mellor os detalles do que de lonxe semalla unha casa normal.

Se coñecedes máis exemplos deste tipo, podedes subilos ao noso grupo no flickr.

- 6.000 km a pé

- 11 países

- De comezos de abril a finais de setembro

- Do punto máis boreal de Europa ao máis occidental

Esta é a esencia de “6 millóns de pasos“, que “son os que separan o punto máis boreal e o máis occidental de Europa. 6000 km entre o cabo de Nordkapp en Noruega, ata a cidade galega de Santiago de Compostela, seguindo un dos trazados do Camiño de Santiago”. E para levalo adiante, dous mozos galegos están a traballar para contalo tamén, para que ao mesmo tempo os protagonistas se convirtan en “narradores, creando unha intensa actividade en Internet que fará que ti, que nos segues, poidas vivir a aventura en directo a través de Facebook, Twitter, YouTube, Flickr, dun blog e dunha páxina web”.

Unha imaxe de Feijóo disfrazado o Xoves de Comadres en Verín, para que se vexa que lle gusta a marcha

Visto en Brétemas e publicado por El País.

Outro gran vídeo de Navallada TV mesturando unha famosa película de Hollywood cun simpático audio.

Por segunda vez, e seguro que non é a última, Rosa Díez arremete contra os galegos. A voceira de UPyD cualificou a José Luis Rodríguez Zapatero como “galego no sentido máis pexorativo da palabra”, durante unha entrevista con Iñaki Gabilondo en CNN+.

Un cualificativo que Rosa Díez fixo extensivo ao líder da oposición Mariano Rajoy, e que no seu día tamén colocou ao presidente da Xunta, Alberto Núñez Feijóo.

O líder dos populares galegos, Feijóo, lamenta as declaracións de Díez: “Lamento profundamente que haxa un político en España que non se decate de que determinadas manifestacións son unha falta de respecto para a comunidade e para uns españois que somos galegos e a moita honra… E seguirémolo sendo e estando orgullosos”.

Zapatero tamén respondeu ás lamentables palabras da ex militante socialista: “Obviamente non son galego, pero teño grande aprecio polos galegos. E se tivese nacido en Galicia, sentiríame moi orgulloso de selo. É unha terra á que teño grande aprecio e á que admiro”.

Súmase á protesta a Real Academia Galega, en boca de Xosé Luis Méndez Ferrín, que achaca a unha “mentalidade arcaica” o desprezo ao galego.

Desde Galicia Profunda queremos sumarnos ás mostras de repulsa ante palabras como as de Rosa Díez.

Estes son os datos económicos que lles deberan preocupar aos políticos:

• 500 despedimentos no call center de Sykes na Coruña
• 700 posibles despedimentos no call center de Bosch en Vigo
• 700 despedimentos anunciados en Citröen en Vigo

O Día de Rosalía de Castro conmemórase hoxe en toda a xeografía galega. Celébranse 173 anos do nacemento da poeta en maiúsculas das letras galegas e en Santiago a homenaxe soa a música.

Ás táboas do Salón Teatro sobe esta noite o escritor Anxo Angueira, impulsor do proxecto “Rosalía 21“, xunto a un grupo formado polos mellores artistas da escena musical: Abe Rábade (piano e composición), Jesús Santandreu (saxo tenor), Nelson Cascais (contrabaixo), Bruno Pedroso (batería), e a voz de Guadi Galego e do propio Anxo Angueira.

Espectáculo multimedia con temas cantados con sección rítmica e saxo tenor, textos recitados e cantados ‘a capela’, duetos de voz e contrabaixo, voz e piano, unha peza instrumental e un poema recitado polo escritor Anxo Angueira sobre un arranxo fortemente experimental.

Déixovos cunha mostra desta obra de arte:

A revista galega Retranca dedica á súa portada dos meses de frebreiro e marzo á fusión das Caixas galegas, ao máis puro estilo Songoku. Mais a publicación non é allea a situación política arredor do galego, así que en portada dobre, podemos ver a Feijóo ao modo anglosaxón a voltas co decreto do galego.

Un dos grupos galegos que puxen onte no post foi o de Psicofonías en galego xa! O caso é que xa hai psicofonías na nosa lingua (ata no máis alá falan en galego). Velaquí unha que emitiron no programa de Iker Jiménez, “Cuarto Milenio”, supostamente gravada no cemiterio da localidade luguesa de Xermade:

O mellor de todo é a mensaxe, non ten desperdicio: “Asfaltade a carretera de Cabreiros”.

Actualización: teño que recoñecer que son un inocente porque pensei que realmente este vídeo era real, pero despois do comentario de Miñarrula estiven buscando e, certamente, trátase dunha montaxe a partir deste vídeo:

Así que desculpade e tentarei non caer outra vez nunha destas

Hoxe queremos recompilar unha serie de grupos galegos que se poden atopar no Facebook e que son do máis simpático (os que queirades engadir, serán ben recibidos, of course):

• Psicofonías en galego xa!
• Roubar filloas do prato mentras as están facendo
• Polo regreso de Pelegrín
• 7.777 sinaturas para que Gayoso separe o micro da queixada 10 cm. (alomenos)
• A min tamén me educaron en galego e non saín mal de todo
• Eu tamén cantei “Eu traio unha borracheira” estando morado
• Tira máis pelo da cona que cabo do mariñeiro
• “A saia da Carolina…” é publicidade subliminal de Lacoste
• Apadrina un bache en Santiago de Compostela
• Kostas Vasileiadis, alcalde de Santiago. Maxi Stanic, concejal de tráfico (son xogadores do Obradoiro, para quen non os coñeza)
• Quiero ver a Rafaella Carrá en las fiestas del Albariño 2010
• Darth Vader, alcalde de Ferrol ya!
• Caiume a alma ao chan cando usei o novo aparcamento do aeroporto de Vigo